Mabomu yalitelekezwa Nigeria, bahati mbaya ikawa kwa watu walioyakuta..

 

Nigeria ni moja ya nchi ambazo ziko kwenye wakati mgumu sana kutokana na mashambulizi ya Kigaidi, stori nyingine kwenye Headlines kutoka huko inahusu ishu ya mlipuko wa mabomu ambao umesababisha vifo vya watu 63 Jimbo la Borno.

Mabomu hayo ni kama yalisahaulika au yalitelekezwa hivi, vijana walikuta begi likiwa na milipuko hiyo katika eneo ambalo Boko Haram waliwahi kuweka Kambi yao, wakalibeba begi hilo mpaka eneo ambalo kuna watu wengi ambao walizunguka kulishangaa… muda mfupi baadae mabomu hayo yalilipuka.

Katika watu 63 waliofariki wengi wao ni vijana wa kiume na wanawake ni wachache, wapo wengine wengi ambao walipata majeraha pia kwenye tukio hilo.

Polisi wamelaumu kitendo cha watu hao kukuta milipuko hiyo na kukaa nayo bila kutoa taarifa Polisi au kwenye Kikosi cha Jeshi ambao wangeweza kuishughulikia kabla ya kuleta maafa hayo.